Сөздік
әлпеш·теу
етістік
Баланы аялап өсіру, мәпелеу, қамқорлыққа алу; балапанын қанатының астына алған құстай қорғау.
«Қазақ баласын „құлыншағым“, „ботақаным“ деп алақанына салып, әлпештеп өсірген».
Мектепалды даярлыққа арналған әліппе2026
Баланың әріппен алғашқы танысуы мейірім мен қамқорлыққа, ұлттық құндылыққа толы болсын деген ниетпен жазылған әліппе және көркем жазу дәптері.
- 2
- кітап: әліппе мен жазу дәптері
- 1,5
- жыл бойы дайындалды
- 3
- қаладағы шығармашылық топ
Әлди, әлди, әлпешім!Ұйықта деймін, ұйықтайсың.
Атаудың мәні
Бұл жай ғана кітап атауы емес, баланың жүрегіне жол табатын ұғым
Қазақтың әр баласына арналған еркелету сөзі, жүректен шыққан жылы лебізі болады. «Әлпешім» деген бір ғана сөздің астарында ананың мейірімі, әкенің қамқорлығы, шаңырақтағы шексіз махаббат жатыр.
Бала білім әлеміне қадам басқанда алғашқы кітабын қолына алады. Мұқабадағы «Әлпешім» деген атау оған «мұнда саған ешкім ұрыспайды, мұнда сені түсінеді, аялайды» деген сенім мен жайлылық сыйлайды. Білім қатаң тәртіппен емес, мейірім мен қамқорлық арқылы беріледі.
«Әліппе» атауын әдейі алмадық: кітап мектепалды даярлыққа арналғандықтан, Қасым Аманжоловтың «Әлди, әлди, әлпешім» деген жолдары жүрекке жақын болды.
Жинақ
Бір жинақ — екі кітап
Әліппе баланы әріппен таныстырады, көркем жазу дәптері сол әріпті қолмен жазуға үйретеді. Екеуі бірге қолдануға арналған.
Әліппе
«Әлпешім»
Әлемді енді тани бастаған балаға әріп үйретумен қатар рухани құндылық пен қазақи болмысты бойына сіңіреді. Әріптер баланың отбасынан, туған өлкесінен және ұлт тарихынан алынған бейнелер арқылы таныстырылады.
- Мектепалды даярлық тобына арналған
- Мемлекеттік стандарт талаптары ескерілген
- Ахмет Байтұрсынұлының әліппе дәстүрін жалғайды
Көркем жазу дәптері
«Әлпешім»
Әліппемен қатар жүретін жазу дәптері. Бала әріпті танып қана қоймай, оны дұрыс әрі әдемі жазуға машықтанады, қолы жазуға біртіндеп дағдыланады.
- Әліппемен бірге қолдануға арналған
- Әріпті дұрыс әрі әдемі жазуға үйретеді
- Ыждағаттылықпен жасалған жазу үлгілері
Бірінші бет
Сапар «А» әрпінен басталады
«Әлпешімді» парақтаған әр баланың сапары «А» әрпінен басталады. Бұл — баланың санасындағы тұтас дүниетанымның, оқу мен білімге жасалған алғашқы қадамның іргетасы.
Кітаптағы «А» әрпі тек «ата» сөзімен шектелмейді: ол қазақтың ұлы ойшылы Абай Құнанбайұлының бейнесімен қатар беріледі. Бала Абайдың кім екенін әлі толық түсінбесе де, ұлы тұлғаның мейірімді жүзін көріп өседі. Бұл бейне жадында сақталып, есейгенде рухани тамырымен ертерек қауышуына жол ашады.
Үлкен білім мен ұлы ғылымның тамыры осы кішкентай «А» әрпінен, ананың әлдиінен бастау алады.
Суреттер
Кітап жақыннан
Сатып алмас бұрын кітаптың мұқабасы мен титул бетін жақыннан көріңіз.
Кітаптың тарихы
Бір жарым жылдық еңбек
- Сұраныс
Балаға рух беретін әліппе керек еді
Қолымыздағы әліппелерден әлемді енді тани бастаған балаға рухани құндылық пен қазақи болмысты сіңіретін дүние таппадық. Сондықтан тәуекел етіп, үлкен жауапкершілікпен кірісетін педагог іздедік.
- Талап
Байтұрсынұлының ізімен
Кітап жай ғана әліппе емес, мемлекеттік стандартқа сай оқу құралы болуы тиіс еді. Стандартты ашып қарасақ, оның алғашқы сөйлемі-ақ әліппенің Ахмет Байтұрсынұлының ізімен жазылуын талап етеді екен.
- Үш қала
Шымкент, Алматы, Астана
Автор — Шымкентте, дизайнер — Алматыда, бастамашылар — Астанада. Үш қалада отырып, заманның мүмкіндігін пайдаланып, бір жарым жыл бойы бірге жұмыс істедік.
- 2026
Кітап жарық көрді
«Әлпешім» әліппесі мен көркем жазу дәптері Алматыда басылып шықты. Енді оны Kaspi.kz дүкенінен сатып алуға болады.
- Авторы
- Айкерім Әбдіхадірқызы
- Дизайнері
- Арман Ғинаятұлы
- Жобаның бастамашысы
- Саят Ыбырай
- Шығарған
- Білім және мәдениет институты, Алматы, 2026
Әліппе түзелмей, қазақ әлемі де түзелмейді
Балаңыздың алғашқы кітабы «Әлпешім» болсын
Әліппе мен көркем жазу дәптері Kaspi.kz дүкенінде сатылады.
