Біз кімбіз
«ALQA Astana» Қоғамдық Қоры — 2025 жылдың 15 қазаны құрылған коммерциялық емес ұйым. Қызметі Қазақстан Республикасының Азаматтық кодексіне және «Коммерциялық емес ұйымдар туралы» Заңына сәйкес жүргізіледі.
Қордың мақсаты
Қазақ халқының мәдени, әдеби, тарихи және ұлттық құндылықтарын насихаттауға, сондай-ақ әлеуметтік маңызы бар мәселелерді шешуге бағытталған бағдарламаларды іске асыру.
Не істейміз
Жарғының 2.2-тармағында бекітілген негізгі қызмет бағыттары.
Қайырымдылық бағдарламаларын жасау және оларды іске асыруға қажетті ресурстарды тарту
Оқыту-әдістемелік, әлеуметтік-публицистикалық, көркем және балалар әдебиетін шығару
Ақпараттық-сараптамалық бюллетеньдер, ғылыми, әдістемелік, анықтамалық және тарихи материалдарды басып шығару
Ақпараттық-ағарту және лекция қызметін ұйымдастыру, қаржыландыру және жүзеге асыру
Мәдени-рухани және әлеуметтік процестерге сараптама жасау
Мемлекеттік тілді дамыту
Қаражат жинауға арналған қайырымдылық кештері мен басқа да шараларды ұйымдастыру
Мәдени және әлеуметтік маңызды бағдарламалар бойынша халықаралық, шетелдік және отандық ұйымдармен бірлесіп жұмыс істеу
Бүгінгі жобаларымыз
Қазір жүзеге асып жатқан бағыттар.
Балалар байқаулары
Мектепалды даярлық тобы мен бастауыш сынып оқушыларына арналған онлайн байқаулар. Балалардың қазақ тілінде дұрыс, анық және мәнерлі сөйлеу дағдысын дамытуға бағытталған.
Ұлттық ауыз әдебиетін насихаттау
Жаңылтпаш, жұмбақ, санамақ, мақал-мәтел сияқты халық мұрасын балалар ортасына қайта оралту. Байқаулар мен ашық сабақтар арқылы ұрпаққа жеткізу.
Ресми деректер
| Қазақ тілінде | «ALQA Astana» Қоғамдық Қоры |
| Орыс тілінде | Общественный Фонд «ALQA Astana» |
| Ағылшын тілінде | Public Fund «ALQA Astana» |
| Ұйымдық-құқықтық нысаны | Коммерциялық емес ұйым — қоғамдық қор |
| Құрылған күні | 2025 жылдың 15 қазаны |
| Орналасқан жері | Қазақстан Республикасы, Астана қаласы |
| Қордың директоры | Ыбырай Саят Баймұратұлы |
Қор белгісіз мерзімге құрылған және Қазақстан Республикасының заңнамасында белгіленген тәртіппен тіркелген.
Басқару құрылымы
Қордың басқаруы Жарғыға сәйкес үш деңгейде жүреді.
Құрылтайшылардың жалпы жиналысы — қордың жоғарғы органы. Жарғыға өзгеріс енгізу, қызмет бағыттарын және бюджетті бекіту сияқты негізгі шешімдерді қабылдайды.
Қамқоршылық кеңесі — қордың қаражатын пайдалануын, Жарғының сақталуын және заңнама талаптарының орындалуын қадағалайтын бақылау органы.
Директор — атқарушы орган. Қордың күнделікті қызметін ұйымдастырады және оны үшінші тұлғалар алдында білдіреді.
Қаржы-шаруашылық қызметті тексеру үшін тексеру (ревизия) комиссиясы тағайындалады, ол тек Құрылтайшылардың жалпы жиналысына есеп береді.
Байқауға қатысқыңыз келе ме?
Қордың ағымдағы байқауы — «Ойқұмар». 5–10 жас аралығындағы балалар қатыса алады.