01Кітап талқы
Айына бір көркем шығарма: роман, повесть, әңгіме. Оқырман үш топқа бөлініп талқылайды.
«ALQA Astana» ҚҚҚР Ұлттық академиялық кітапханасы жанында
«АЛҚА»әдеби-мәдени клубы
Мағжан бастаған клуб мәдениетін қайта жаңғыртамыз
- Ағымдағы маусым
- V маусым
- Кездесу жиілігі
- Аптасына бір рет
- Қатысу шарты
- Тегін
- Мекенжай
- Достық көшесі, 11
Жасқа жөн сілтейтін, адасқанды жолға салатын, қисыққа тез болатын, «Алқа» — осы. Жөн іздеген жас болсаң, жол іздеген жолаушы болсаң, тез іздеген есті тентек болсаң, мынау «Алқа» — сенікі.
Клуб туралы
1924–1925 жылдары Мағжан Жұмабаев Мәскеуде көркем әдебиет институтында оқып жүрген кезінде ұлт зиялыларымен бірге азаттық қозғалысына белсене атсалысты. Соның бір көрінісі — ақынның өзі құрған «АЛҚА» әдеби-мәдени клубы.
Біздің мақсат — кешегі Мағжан бастаған әдебиет пен мәдениеттегі сара жолды жалғау, клуб мәдениетін қайта қалпына келтіру, ізденімпаз оқырмандардың басын бір ортаға жинау. ХХІ ғасырда қайта жаңғырған «Алқа» барлық оқырман үшін ашық.
Міндеттеріміз
- 01Кітап оқу мәдениетін және оқуға деген қызығушылықты қалыптастыру
- 02Әлемдік және отандық әдебиеттің озық үлгілері арқылы ой-өрісті кеңейту
- 03Оқырманның ХХІ ғасыр азаматына тән саналы, жан-жақты болуына ықпал ету
- 04Ғалымдар, жазушылар, мәдениет қайраткерлерімен кездесу ұйымдастыру
- 05Астана қаласындағы ЖОО мен қоғамдық ұйымдармен бірлесіп жұмыс істеу
Кездесу форматтары
Бес формат, бір алқа
Ай сайын әр форматтан кемінде бір кездесу өтеді — кітаптан бастап жыр кешіне дейін.
01
02Кино талқы
Айына бір көркем фильм. Көрген соң режиссёрдің тілін, кейіпкер таңдауын таразылаймыз.
03Сөз талқы
Еркін пікірталас: бір тақырып, көп көзқарас. Дайын жауап емес, сұрақ маңызды.
04Дәріс-Кездесу
Ғалымдар, жазушылар мен мәдениет қайраткерлерімен жүздесу және шеберлік сыныбы.
05Ән мен Жыр кештері
Дәстүрлі ән мен жырдың кеші: домбыра, қобыз және ауыз әдебиетінің тірі дауысы.
Өткен және алдағы шаралар
Алдағы шара19 қыркүйекV - МАУСЫМ
МаусымашарӨтті
Маусымашар
V маусымның ашылуы
V маусым тіл, мектеп және ұстаз тақырыбымен ашылды.
«Алқа» әдеби-мәдени клубының жаңа V маусымы 5 қыркүйекте басталды.
Ұлт ұстазы Ахмет Байтұрсынұлының туған күні мен тіл мерекесі қарсаңында өткен маусымашардың негізгі тақырыбы — тіл, мектеп және ұстаз. Шараның концепциясы да осы негізде құрылды.
Кітап талқыӨтті
«Күншілдік»
Немат Келімбетов, хикаят-диалог
Кейде бір адамның бойындағы қызғаныш тұтас бір кесапаттың бастауы болуы мүмкін.
Жаңа маусымның алғашқы талқысы көрнекті қаламгер Немат Келімбетовтің «Күншілдік» хикаят-диалогына арналды.
Шығармада адамзатқа ортақ талай кесапат пен жамандықтың түп-тамыры күншілдіктен тарайтыны нақты деректер мен тағылымды ойлар арқылы терең зерделенеді. Автор адам жүрегіне күншілдіктің дәнін себетін қызғаныш, ашкөздік, тәкаппарлық, ызақорлық секілді мінездердің табиғатына үңіледі.
Талқы қалай өтті
Үш топқа бөлінген оқырман қауым «Күншілдік қайдан туады? Әлсіз адамның бәрі күншіл ме? Сенім қалай қалыптасады?» деген сұрақтар төңірегінде ой бөлісті.
Бауыржан Момышұлы айтқандай, «Күншілдік — өзгенің мықтылығы мен өзіңнің әлсіздігіңді түсінуден туған құбылыс». Алқалықтар күншілдікті ішкі сенімсіздіктен туындайтын әлсіздік деп бағалады. Мұндай дерттен арылудың жалғыз жолы — өз болмысыңды танып, өзіңді дамыту.
Талқыда қызғаныш пен күншілдіктің айырмасы сараланды, Сальери мен Моцарттың тағдыры сөз болды. Қызғаныш — өзіңдегі нәрсені қызғану болса, күншілдік — өзіңде жоқтың өзгеде болғанын көтере алмау. Ал оның ең ауыр тұсы — өзіңде жоқтың өзгеде де болмағанын қалау.
Ольшанскийдің «Күншіл мен Бақыт» ертегісі талқыны қыздыра түсті: бірдей жағдайда өмір сүрген екі адамның бірі өзгенің барын көріп мұңаяды, екіншісі қолындағысына шүкір етіп, өзгенің қуанышына ортақтаса алады. Демек, бақыттың өлшемі — адамның қанша дүниесі барында емес, сол өмірге қандай мағына бере алғанында.
Күншілдік — өзгенің жарығын өшіруге ұмтылу. Ал адам үшін ең үлкен жеңіс — өзгенің жарығынан қорықпай, өз жарығын табу.
Кино талқыАлдағы шара
«Дүкен ұрылары»
Хирокадзу Корээда, фильм
Сіз үшін отбасы деген не?
Жапон режиссёрі Хирокадзу Корээданың «Дүкен ұрылары» фильмін талқылаймыз.
Фильмде кедейлікпен күресіп жүрген отбасының дүкен тонап күн көретіні және қараусыз қалған кішкентай қыздың олардың өміріне келуі баяндалады. Бір қарағанда, бұл — ұрлық туралы оқиға. Алайда фильмнің өзегі әлдеқайда терең: мұнда отбасының мәні, адамдарды жақын ететін қасиет пен алыстататын әрекет таразыланады.
Қыркүйек — желтоқсан
V маусым · 1-жартыжылдық жоспары
- 05қыркМаусымашар✓
- 12қыркКітап талқыМодератор: Нұрболат Кәрібай✓
- 19қыркКино талқыМодератор: Аңсат ҚалысКелесі
- 26қыркОлжас Сүлейменовтің 90 жылдығына арналған іс-шара
- 01қазаКітап талқыМодератор: Назерке Орынбасар
- 10қазаКино талқыМодератор: Едіге Ержанұлы
- 11қазаКітап талқыМодератор: Гүлнұр Аралбай
- 15қазаALQA TALKSМодератор: Нұрболат Кәрібай
- 05қараКино талқыМодератор: Данияр Асқар
- 14қараӨзбекәлі Жәнібековтің 95 жылдығына арналған іс-шара
- 21қараКітап талқыМодератор: Бақтыбек Дәулетұлы
- 26қараСөз талқыМодератор: Саят Баймұратұлы
- 05желтКино талқыМодератор: Нұрсұлтан Айжарық
- 12желтТәуелсіздік мерейтойына арналған лекция
- 19желтКітап талқыМодератор: Санжар Дастанұлы
Кестеде өзгеріс болуы мүмкін — нақты күнді @alqa.club парақшасынан растаңыз.
Клубқа қосылғыңыз келе ме?
Астана қаласының мектеп, колледж, ЖОО оқушылары мен қала тұрғындары қатыса алады. Қатысу тегін әрі ерікті — келесі кездесу 19 қыркүйек.